Klik voor meer info op de cd....!

 




cd bestellen kan HIER

 

 

 

                        Gelaense Meziek Produksies

1992 1993 1994 1995 1997 1996
1998 1999 2000 2001 2002 2003
2004 2005 2006 2007 2008 2009
2010 2011 2012 2013  

   Klik op      de CD.

1998 Gelaen drei(t) door (uitverkocht)

1. Gelaen drejt werm
2. Ens per jaor - Gertje Roumen (winnaar GVK)
3. De Gelaendenaer - Jan Ridderbeekx (winnaar GVK 1981)
4. Einne Flaaris dae neet good gaar is - Wim Leentjes
5. Gelaen dat haet 't - Biejein Geraap
6. Ich bèn en blief eine Kraonkelaer - René Giesberts
7. 't Uulke - Ben Erkens
8. Ich hawt van Gelaen ! Doe auch ? - Marlies Notten (winnaar GVK-1986)
9. Laot mich mer gewaere - Guido Strouken
10. Dao moste in Gelaen veur gebaore zeen - Neet Compleet
11. Kiek dao geit weer ènne Flaaris - Monique Pepels
12. De kloezenaer Henricus - Jan Ridderbeekx
13. Medley Vastelaovesleedjes - Gelaense artiesten
14. Drejörgel medley

produksie: Sjtichting Gelaense Meziek Produksies
opname: Studio A Recordings, Stein
arrangemente: Arno Op den Camp, Peter Paashuis,
Huub Lemmens (5), M.A. van Boxtel (14)
hoesontwerp: studio Léon Kerdel
koar: Léon Kerdel, Piet Geenen, René Joosten, Jos Pécasse, Marjo Pepels, Annitta Peeters, Hilly Jetten, Jan Ridderbeekx, Lei Winkelmolen, Kitty Douven, Anja Hoeks, Monique Heijen-Pepels, Bianca Scheeren, o.l.v. George Bakx.
orgel: Jan van Dinteren


Gelaen drejt werm

m.m.v.
Vrunj van de Rammelesjang 'Gelaen'
Jean Jansen
Keuninklijke Zaate Philhermenie 'Sjeive Drek' '78
Kloes bloes band
Huub Giesberts


Ens per jaor

teks: Gertje Roumen, meziek: Jo Deusings
zangk: Gertje Roumen

Veer kómme tied tekort, dat zaet toch ederein,
wille auch zoa väöl soms löp 't ós doorein.
Renne en raoze van 't werk nao de sjport.
V'r kómme, jao v'r kómme - kómme tied te kort.

refrein:
Mer ens per jaor dan brink ós geine van de wies,
raoze veer róndj in 't Vastelaovesparadies.
Tied genóg, alles löp noe van allein,
hiej wurt gefeës, door graot en klein.
Mer ens per jaor, dan brink ós geine van de wies,
raoze veer róndj in 't Vastelaovesparadies.
Dees tradisie die maog noats verlaore gaon.
Ze heuèrt bie ós, zo-es de zón heuèrt biej de
sjterre en de maon.

Mobiel telefenere, de faks en internet,
veer sjtaon d'r mit op en gaon d'r mit nao bèd.
Ein dènk weit ich zeker, al vlege v'r nao de maon,
de Vastelaovend, Vastelaovend ... blif ummer besjtaon.

refrein


De Gelaendenaer

tekst en meziek: Jan Ridderbeekx en Bert Dijcks
zangk: Jan Ridderbeekx

refrein:
Ich bèn eine echte Gelaendenaer,
karneval viere, dat doon ich gaer.
Ich krieg de kriebels in mien blood,
en al die daag veul ich mich goed.
Ich zèng en sjoenkel op en neer,
Gelaen, Gelaen dat haet 't weer.
Ich zèng en sjoenkel op en neer,
Gelaen, Gelaen dat haet 't weer.

 Jan Ridderbeekx

Wiej ich nog in de weeg laog,
waor ich mich al aan 't reure.
En wiej ich die luuj mit de Karneval zaog,
doew leet ich get van mich heure.

Ès dan die daag veurbiej zeen,
móste mich niks meë vraoge.
Dan drejt miene kop en d'r geit niks meë in,
allein heuër ich dan nog jaore.

refrein:


Einne Flaaris dae neet good gaar is (1984)

teks en meziek: Wim Leentjes
zangk: Wim Leentjes

Gelaen dat is een Waereldsjtad
de Flaarisse veurop.
En es hiej weer gewaggeld wurt
sjteit alles oppe kop.
Wae wurt dit jaor de nuje Prins
dat heuërt mè wied en zied.
Pes dat 'r plots teveursjien kump
mit ein gezichske wie kriet.

refrein
Alaaf Gelaen veuroet
Es 't mót tot ónger 't kroed !

Ich bèen eine Flaaris dae neet good gaar is
Ich vier Vastelaovend pes dinsdigaovond.
En daonao geit mien pekske in de kas in ein vekske
en dao blif 't ligke tot 't volgend jaor.

Oos Waereldsjtad sjtiet oppe kop
d'n optoch trèk weer róndj.
Mit jónk en awt mit groat en klein
oos sjtad is kakelbóntj.
En aan 't ènj dao kump de Prins
hoag baove alles oet.
Hae zjwejt nao lènks en lach nao rechs
mit ein hauf bevraore sjnoet.

En es 't dinsdigaovend wurt
d'n tempel sjtruimp weer vol.
Kepelkes sjpele óm 't hels
de wange sjtaon nog bol.
Mae es 't twellef oere sjleit
sjteit eder sjtil en rech.
Jean Janssen sjprik mit heisje sjtöm
en veeg ein träönke weg.


Gelaen dat haet 't.

teks: Herman Geenen, meziek: Huub Lemmens
zangk: Biejein geraap

intro: la,la,la,la,la,
Hiej is de oajevaar mit mich gelandj
zoag ich 't laevesleech
leërde ich tram'ple biej de man aan de handj
woort ich in sjlaop geweeg.
Jao hiej ligk mien pril gelök
dao dènk ich dökker aan trök.

refrein:
Gelaen dat haet 't, dat zègk ich ummer weer
en deep in mien hertje klink 't keer op keer.
Gelaen dat haet 't, dat zègk ich ummer weer
mer es 't weg is, dan höb ich 't neet meer.

Hiej laag es kèendj de bewaarsjoal van mich
tróf ich ein gooj behien.
Later mit sjarrele sjprook 't veur zich
zóch me zich hiej de zien.
Kreeg mien eësjte muulke hiej
dat blif mich ummer nog biej.

Heij zal ich blieve pès aan miene doad
doon mich nog ein plezeer
laot mich auch sjterve biej dich in de sjoat
lègk ich mich röstig neer
mer wurt dat verleje tied
Gelaen, den zègk ich mit spiet.

refrein:
Gelaen dat hauw 't, dat zach ich ummer weer
en deep in mien hertje klönk 't keer op keer.
Gelaen dat hauw 't, dat zach ich ummer weer
mer este weg bès, dan höb ich 't neet meer.
Ich zal dich misse, dat vèng ich nörges meer.

Ich bèn en blief eine Kraonkelaer (1981)

teks en meziek: Sef Rodigas en George Bakx
zangk: René Giesberts.

refrein:
Ich bèn en blief eine Kraonkelaer.
Hie sjtóng mien weeg en hie laef ich gaer.
Mit Karnaval zèt ich mich dan ein maske op mien sjnoet
en trèk dan drie daag lank
mit gans de Kraonkel d'r op oet
en ich zèng Alaaf !
veur dèn èl-èl-lèfde keer
Kraonkelaer dat bèn en blief ich gaer.

Veer laeve op de Kraonkel sjus wie ein paradies
veer zeen bevrundj mit ederein en make ós niks wies
Veer helpe ós hie óngerein mit alles wat gebeurt
en zènge dan oet volle bors dat ederein 't heuërt.

Op de Kraonkel is 't ganse jaor van alles zó te doon
veer wirke en veer feëste, jao dat maak 't lave sjoan.
Noe is 't tied veur Karnaval en dae 't nog neet wis
vertèlle veer noe wie 't bie ós op de Kraonkel is.

(single: zangk Jo Delarue, CV De Kraonkelaere
Augustiner Blaaskapel olv Walter Steinhouwer.
Studio Karelhoeve, Munstergeleen 1981)


't Uulke (1969)

teks en meziek: Pierre Collard
zangk: Ben Erkens

Awt Gelaenders, opgepas,
d'n Uul begint te laeve.
Noe begint de groatste sjpas
wo veer ein jaor op laeve.
De Uulle, die wille zó väöl es 't kan,
de zörg van uch beware pès dan.

refrein:
Uulke, Uulke doe bès ein lekker deer.
Uulke, Uulke doe höbs wat ich begeer.
Uulke, Uulke doe deis 't ummer weer.
Uulke, Uulke doe brungs ós plezeer.

Ze sjtaon weer klaor, de Prins en raod,
wat kan ós nog gebeure ?
D'n Opperuul, dae sjleit de maot
van 't karnavalsgebeure.
Geer zeet dus leef luukes, d'n Uul geit veuraan,
sjleet geer uch dus allemaol achter zien vaan.

Ich hawt van Gelaen ! Doe auch ? (1986)

teks en meziek: Marlies Notten
zangk: Marlies Notten

refrein:
Ich hawt van Gelaen, deis doe dat auch?
Ich blief in Gelaen, deis doe dat auch?
Mich rammelt weer de prie, 't Is gezellig hie.
Veer heise weer de vaan,en laupe weer veuraan.
Ich hawt van Gelaen, deis doe dat auch?
Ich blief in Gelaen, deis doe dat auch?
Ich bèn aan dich gehech, en goan hie auch neet weg.
Ich hawt van Gelaen, deis doe dat auch?

Ich dènk aan vreuger tieje, zeen ich ein boerderie.
Wat moes ich toch èns gaere op jeder braderie.
Tradities en folklaore, die sjtoan hie aan d'n top.
En met de Vastelaovend, sjteit alles op de kop.

De Kloes sjteit der nog ummer, trotseerde waer en wèndj.
En 't Gelaener-wiefke, rös dat zoalang 't kènt.
Mien hart begint te sjprènge, zeen ich de sjötterie.
Zoa sjtram en in de houding, met bielemen der bie.

(Single: Gelaense Vastelaovessjlager: Starlet A-kant 1986)

Laot mich mer gewaere (1954)

teks en meziek: E.Ehlen
zangk: Guido Strouken.

Mit vastelaovend sjteit Gelaen te waggele van plezeer
dan sjprènge alle Flaarisse de sjtraote op en neer
dan danse Mie en Berp en Truu, mit Sjabg en Tis en Mat
en wurd ós vruike soms sjaloers da zègke veer leve sjat.

refrein:
Mit Vastelaovend móste mich laote gewaere
mit Vastelaovend doon ich drie daag wat ich wil.
Doe hoofs mich drie daag lank noe neet te kommandere
hawt doe dich noe tot Essjelegoonsdig mer èns sjtil
hawt doe dich noe tot Essjelegoonsdig mer èns sjtil.

't Zóndigs dan begint de sjpas dan trèkke veer d'r op oet
't gans gezich vol waterverf of mit ein verkessjnoet.
En drènke veer dan èns get meë es me verdrage kan
Dan zèt ós geine op de bón veer zègke leve man.

Mit Vastelaovend zètte veer ós zörge aan de kantj
want riek en erm en jónk en awt
die sjprènge handj in handj
Dan zjwèjt euver de Waereldsjtad de Prins
weer ziene sjtaaf
en jederein van groot tot klein, doe reup:
Gelaen Alaaf !


Doa moste in Gelaen veur gebaore zeen.

teks en meziek: Pierre Jansen
zangk: Neet Kompleet.

Ich woon hiej al jaore, ich bèn hiej gebaore
mich krichs doe hiej neet vandaan.
Gelaen die bès mien laeve, hiej vilt get te belaeve,
hiej sjteit sjpas gans baovenaan
't sjaonste feës van euveral,
jao dat is 't Gelaense Karneval.

refrein:
Dao móste in Gelaen veur gebaore zeen
óm eine echte karnevalis te zeen.
Dat kènst doe neet lere
nae dat zit dich in 't blood.
Doe hoofs neet te probere jao
want dat geit toch neet good.
Want dao móste in Gelaen veur gebaore zeen
óm eine echte karnevalis te zeen.

Onger de riviere vilt weer get te viere
Vastelaovend is weer dao
Danse, hosse, sjprènge, lache, sjreve, zènge
dat deit ós toch nemes nao.
't Sjoanste feës van euveral
jao dat is 't Gelaense Karneval.

Zelfs Karneval in Rio dat wil ich neet veur niks kado,
alles zèt ich aan de kantj
veur drie daag amuzere, drie daag profitere.
Dat kènt allein in 't Gelaense landj
''t Sjoanste feës van euveral
jao dat is 't Gelaense Karneval.

Kiek, dao geit weer ènne Flaaris (1950)

teks en meziek: Sjeng Habets
zangk: Monique Pepels

Eindelijk kómme dan die sjoanste daag
weer veur ós aan.
Van Awt Gelaen, de Tunnelsjtraot
en de Napoleonbaan
in Kraonkel, aan de Kloes en dan nog Lutterao
dao rope vastelaovesgekke óngerein zoch nao>

refrein:
Kiek dao geit weer ènne Flaaris
Gluif, dat de sóp weer gaar is.
Veer viere nao weer karnaval, la-la
't geit, 't mót, 't zal ja-ja.
Veer viere nao weer karnaval,
Jao, 't geit, 't mót, 't zal.

En zeen veer dan weer veur ei jaor
drie daag los van de bandj
en höbste soms eine minsj
dae aan alles haet 't landj.
Of wilste soms allein, en hae hilt vol van nein
Dan numste häöm mer mit,
da's mit zo'n daag nog èns zó fein.

Veer dènke neet aan hamstere of aan belastingplich
veer prakkezeere neet aan daag of nach of middigsjich
D'róm laot veer 'm weer gaon, en höbste 't èns gedaon
Dan kènste mit zoa'n daag,
sjlech aan de deursjtiel blieve sjtaon.

(LP: Gelaense sjpas-talgie; Telstar 1982)

De kloezenaer Henricus. (1986).

teks en meziek: Jan Ridderbeekx en Bert Dijcks
zangk: Jan Ridderbeekx

refrein:
De kloezenaer, de kloezenaer, de kloezenaer Henricus
kump mit Vastelaovend jeder jaor weer kieke.
De kloezenaer, de kloezenaer, de kloezenaer Henricus
trök dan mit de Sjoutvot met, de kloezenaer Henricus.

Es d'n èllefde november de kloesdeur aope geit
Henricus kump nao boete, dat is veur ós 't sein
begint de Vastelaovend, Henricus viert 'm mit
nao ein jaor van röste veult d'r zich weer fit.

Henricus kóm d'r oet ! Henricus kóm d'r oet !
Dao is hae weer, dao is hae weer, dao is dae goje jóng
Henricus, Henricus kóm oet die kloes
de luuj sjtaon te wachte, hie veulste dich thoes
Henricus, Henricus, kóm mit ós mit
Vastelaovend viere 't sjoanste wat d'r is.

Medley vastelaovend leesjeskonkoer

Lache, danse, sprènge,
Ich loat mich neet,
Niks blifs wiej 't is,
Vastelaovend: dan in Gelaen !

Drejörgel medley

Gelaen dat wurd ein Waereldsjtad,
't Is noe weer carnaval,
Gelaen waggelt.

 

ballonnen Naar boven, klik op de ballonnen......!!